मेलबर्न - जागतिक क्रमवारीत अव्वलस्थानी असलेला स्पेनचा खेळाडू, राफेल नदालचे ऑस्ट्रेलिया ओपन स्पर्धेतील आव्हान संपूष्टात आले. तब्बल चार तास चाललेल्या उपांत्यपूर्व फेरीच्या लढतीत ऑस्ट्रेयाच्या डॉमिनिक थिआम याने नदालचा ७-६ (७/३), ७-६ (७/४), ४-६, ७-६ (८/६) असा पराभव केला.
नदाल-थिआम यांच्यातील लढत ४ तास १० मिनिटे चालली. यात पहिलाच सेट टायब्रेकरमध्ये गेला. या टायब्रेकरमध्ये थिआमने बाजी मारली आणि नदालला पहिला धक्का बसला. नदाल पहिला सेट ६-७ ने गमावला. दुसऱ्या सेटमध्ये नदाल पुनरागमन करत असेल, असे वाटत होते. पण हा सेट पुन्हा एकदा टायब्रेकरमध्ये गेला. दोघांचीही ६-६ अशी बरोबरी झाली होती. पण त्यानंतर थिआमने पुन्हा एकदा टायब्रेकर जिंकत सामन्यात २-० अशी आघाडी मिळवली.