रोम -जगातील प्रथम क्रमांकाचा पुरुष टेनिसपटू सर्बियाच्या नोव्हाक जोकोविचने इटालियन ओपनच्या उपांत्य फेरीत प्रवेश केला आहे. जोकोविचने जर्मनीच्या डॉमिनिक कोएफरला ६-३, ४-६, ६-३ असे हरवले. हा सामना दोन तासांपेक्षा जास्त वेळ रंगला होता.
सामन्यादरम्यान जोकोविचचा राग पुन्हा दिसला. सर्व्हिस गेम गमावल्यानंतर त्याने रॅकेटला ग्राउंडवर आपटले. दोन आठवड्यांपूर्वी, यूएस ओपनमध्ये जोकोविचने रागाच्या भरात लाइन पंचाना एक चेंडू मारला होता. त्यामुळे त्याला यूएस ओपनमधून बाद करण्यात आले होते.