मेलबर्न - फ्रान्सच्या क्रिस्टिना मालाडेनोव्हिक आणि हंगेरीच्या टिमिया बाबोस या जोडीने ऑस्ट्रेलियन ओपनच्या महिला दुहेरीचे जेतेपद पटकावले. त्यांनी शुक्रवारी चिनी तायपेईच्या सु-वे शी आणि झेक प्रजासत्ताकाच्या बार्बोरा स्ट्रीकोव्हाचा ६-२, ६-१ असा पराभव केला. हा सामना १ तास १२ मिनिटे रंगला होता. या जोडीने यापूर्वी २०१८ मध्ये जेतेपद जिंकले होते.
हेही वाचा -सुमारे १४ फूट उंचीवर हवेत उडी मारतो हा मुलगा!..पाहा व्हिडिओ
क्रिस्टीना-टिमिया जोडीने तीन ग्रँड स्लॅम व्यतिरिक्त १० इतर किताबही जिंकले आहेत. गेल्या वर्षी विम्बल्डन उपांत्य फेरीत शिया आणि स्ट्रीकोव्हाच्या जोडीने क्रिस्टीना-टिमियाचा पराभव केला होता.
ज्यूनियर गटात इला-नुग्रोहोला विजेतेपद -
ज्यूनियर गटातील मुलींच्या दुहेरीत चौथी मानांकित फिलीपिन्सच्या अलेक्झांड्रा आयला आणि इंडोनेशियाच्या पॅरिसका मॅडेलिन नुगेरो हिने विजेतेपद जिंकले. या जोडीने अंतिम सामन्यात स्लोव्हेनियाच्या जीवा फाल्कनर आणि इंग्लंडच्या मेटिल्दा मुतावदिचचा ६-१, ६-१ असा पराभव केला.
TAGGED:
टिमिया बाबोस लेटेस्ट न्यूज