स्पेन -बार्सिलोना ओपन टेनिस स्पर्धेच्या अंतिम फेरीत ऑस्ट्रियाच्या डॉमनिक थिमने रशियाच्या डेनिल मेदवेदेवचा ६-४, ६-० असा धुव्वा उडवत किताब आपल्या नावावर केला आहे. डॉमनिकचे हे तेरावे एटीपी विजेतेपद ठरले आहे.
ऑस्ट्रियाच्या डॉमनिक थिमने पटकावला बार्सिलोना ओपनचा किताब
डॉमनिकने या स्पर्धेच्या उपांत्य फेरीत दिग्गज खेळाडू राफेल नदाल पराभवाचा धक्का देत मोठा उलटफेर केला होता
डॉमनिक थिम
डॉमनिक हा १९९६ नंतर बार्सिलोना ओपनचे जेतेपद मिळवणारा ऑस्ट्रियाचा पहिलाच टेनिस खेळाडू ठरला आहे. डॉमनिकने या स्पर्धेच्या उपांत्य फेरीत दिग्गज खेळाडू राफेल नदाल ६-४, ६-४ ने पराभवाचा धक्का देत मोठा उलटफेर केला होता.
राफेलला बार्सिलोना ओपनचा राजा म्हणून ओळखले जाते. कारण त्याने ही स्पर्धा तब्बल ११ वेळा जिंकली आहे. तर २००५ ते २००९ या काळात सलग ५ वेळा हा किताब जिंकण्याचा विक्रमही नदालच्याच नावावर आहे.
Last Updated : May 2, 2019, 7:59 PM IST