जोकोविचच्या 'त्या' कृत्यामुळे स्पेनच्या टेनिस क्लबने मागितली माफी

जोकोविचने लॉकडाऊनचा नियम तोडत स्पेनमधील एका टेनिस क्लबमध्ये सराव केला. जोकोविचच्या या कृत्यानंतर स्पेनमधील मार्बेला येथील पुएन्ते रोमानो टेनिस क्लबने माफी मागितली आहे.

स्पेन -सर्बियाचा स्टार टेनिसपटू नोव्हाक जोकोविचने लॉकडाऊनचा नियम तोडत स्पेनमधील एका टेनिस क्लबमध्ये सराव केला. जोकोविचच्या या कृत्यानंतर स्पेनमधील मार्बेला येथील पुएन्ते रोमानो टेनिस क्लबने माफी मागितली आहे. या सरावाचा व्हिडिओही जोकोविचने शेअर केला होता.

स्पॅनिश टेनिस महासंघाने कोरोनाच्या धोक्यामुळे खेळाडूंना नियम पाळण्यास सांगत खेळाडूंना 11 मे पर्यंत कोर्टावरील प्रशिक्षणापासून दूर राहण्यास सांगितले होते. ''आम्हाला माहित आहे की व्यावसायिक खेळाडू आमच्या सुविधांचा वापर करण्यास पात्र होते आणि जोकोविचला प्रशिक्षण देण्यास अधिकृत होते. टेनिस फेडरेशनशी वाटाघाटी केल्यानंतर त्यांनी आम्हाला हे स्पष्ट केले की टेनिस क्लब वापरण्यासाठी तुम्हाला 11 मे पर्यंत थांबावे लागेल'', असे या क्लबने सांगितले.

रोमानो क्लबने पुढे म्हटले, ''आम्ही हे स्पष्टीकरण जाकोव्हिकबरोबर शेअर केले. त्या दिवसापासून प्रशिक्षण पुन्हा सुरू करण्याचे दोन्ही बाजूंनी मान्य केले. आम्हाला नियम नीट समजला नाही याबद्दल खेद आहे. त्यामुळे जोकोविचसोबतही गैरसोय झाली असती.''

यापूर्वीही जोकोविचने आपल्या सरावाचा एक व्हिडिओ शेअर केला होता.