नवी दिल्ली - रशियन टेनिससुंदरी आणि पाच वेळा ग्रँड स्लॅम विजेती मारिया शारापोव्हाने व्यावसायिक टेनिसमधून निवृत्ती जाहीर केली आहे. मारियाने वयाच्या ३२ व्या वर्षी टेनिसमधून निवृत होण्याचा निर्णय घेतला आहे.
हेही वाचा -सचिन जेवढा महान फलंदाज तेवढाच 'खतरनाक' गोलंदाज, पण....
'टेनिसने मला खूप आनंद आणि अश्रू दिले आहेत. या खेळामुळे मला संपूर्ण कुटुंब मिळाले. अनेक चाहते लाभले. मी २८ वर्षाची कारकीर्द सोडून जात आहे. मी यात नवीन आहे, कृपया मला माफ करा', असे मारियाने निवृत्तीच्या वेळी म्हटले आहे.
२००४ मध्ये मारियाने विम्बल्डन स्पर्धेचे जेतेपद जिंकले होते. तेव्हा तिचे वय अवघे १७ वर्ष होते. २००८ मध्ये वयाच्या २० व्या वर्षी तिने ऑस्ट्रेलियन ओपनचे तर, २०१४ मध्ये तिने फ्रेंच ओपन जेतेपद पटकावले होते. गेल्या महिन्यात मारियाने आपली शेवटची ग्रँडस्लॅम स्पर्धा खेळली होती.
