मेलबर्न -ऑस्ट्रेलियन ओपन स्पर्धेच्या महिला एकेरी गटातील दुसऱ्या फेरीत बुधवारी उलटफेर पाहायला मिळाला. तैवानच्या हसीह सू वेई हिने जागतिक क्रमवारीत आठव्या स्थानी असलेल्या कॅनडाच्या बियांकाला पराभूत केले. हसीह हिने बियांकाविरुद्धचा सामना ६-३, ६-२ अशा फरकाने जिंकला.
बियांकाने २०१९ मध्ये अमेरिका ओपन स्पर्धेच्या अंतिम सामन्यात सेरेना विल्यम्सला धूळ चारत विजेतेपद पटकावले होते. यानंतर ती २०२० मध्ये गुडघ्याच्या दुखापतीमुळे, काही काळ टेनिसपासून लांब होती.
ऑस्ट्रेलियन ओपनमध्ये २० वर्षीय बियांकाला ३५ वर्षीय सू-वेई हिने पराभवाचा धक्का दिला. बियांकाला आपल्या खराब सर्विसचा फटका बसला. यात त्याने आपल्या दुसऱ्या सर्विसमध्ये २३ मधील १७ गुण गमावले. बियांकाने सामन्यात तब्बल सहा वेळा सर्विस गमावली.