Australian Open: मुचोवाचा धुव्वा उडवत ब्रॅडी अंतिम फेरीत

अमेरिकेची जेनिफर ब्रॅडीने ऑस्ट्रेलियन ओपन स्पर्धेची अंतिम फेरी गाठली आहे.

मेलबर्न - अमेरिकेची जेनिफर ब्रॅडीने ऑस्ट्रेलियन ओपन स्पर्धेची अंतिम फेरी गाठली आहे. तिने उपांत्य फेरीच्या सामन्यात झेक प्रजासत्ताकच्या कॅरोलिना मुचोवा हिचा तीन सेटमध्ये पराभव केला.

ब्रॅडी-मुचोवा यांच्यातील सामना रंगतदार झाला. एक तास ५५ मिनिटे रंगलेल्या सामन्यात ब्रॅडीने ६-४, ३-६, ६-४ अशा फरकाने विजय मिळवला. पहिला सेट ब्रॅडीने ६-४ अशा फरकाने जिंकला. तेव्हा मुचोवा हिने दुसऱ्या सेटमध्ये कमबॅक केले. तिने दुसरा सेट ६-३ ने जिंकत सामना बरोबरीत आणला. पण निर्णायक सेटमध्ये जागतिक क्रमवारीत २२ व्या स्थानावर असलेल्या ब्रॅडीने ६-४ अशी बाजी मारत अंतिम फेरीत धडक दिली.

दुसऱ्या उपांत्य फेरीच्या सामन्यात जपानची नाओमी ओसाका हिने २३ ग्रँडस्लॅम विजेती सेरेना विल्यम्स हिचा ६-३, ६-४ ने पराभव करत अंतिम फेरी गाठली. ऑस्ट्रेलियन ओपनच्या महिला एकेरीचा अंतिम सामना नाओमी ओसाका आणि जेनिफर ब्रॅडी यांच्यात होणार आहे.

हेही वाचा -Australian Open: नदालला पराभवाचा धक्का; पाच सेटच्या थरारक सामन्यात सित्सिपासची बाजी

हेही वाचा -Australian Open : रूबलेवचा पराभव करत मेदवेदेवने प्रथमच गाठली उपांत्य फेरी