Wrestlers vs WFI : कुस्तीपटू विरुद्ध डब्ल्यूएफआय लैंगिक छळ प्रकरण; निरीक्षण समितीला आणखी दोन आठवड्यांची मुदत

डब्ल्यूएफआयचे अध्यक्ष ब्रिजभूषण शरण सिंग यांच्याविरोधातील चौकशी अहवाल सादर करण्यासाठी क्रीडा मंत्रालयाने आणखी दोन आठवड्यांची मुदत दिली आहे. ब्रिजभूषण शरण सिंह यांच्यावर देशाच्या प्रसिद्ध कुस्तीपटूंनी लैंगिक छळाचा आरोप केला होता. त्यानंतर या कुस्तीपटूंनी दिल्लीतील जंतरमंतरवर मोठे आंदोलन करीत कुस्ती महासंघाचे प्रमुख यांना पायउतार करण्याची मागणी केली होती.

नवी दिल्ली : क्रीडा मंत्रालयाने भारतीय कुस्ती महासंघाचे (WFI) अध्यक्ष ब्रिजभूषण शरण सिंग यांच्यावरील लैंगिक छळाच्या आरोपांच्या चौकशीचा अहवाल सादर करण्यासाठी देखरेख समितीला दिलेली मुदत दोन आठवड्यांनी वाढवली आहे. देशातील अव्वल कुस्तीपटूंनी केलेल्या दाव्यांनंतर, दिग्गज बॉक्सर एमसी मेरी कोमच्या अध्यक्षतेखाली 23 जानेवारी रोजी देखरेख समिती स्थापन करण्यात आली. ब्रिजभूषण यांनी अनेक महिला कुस्तीपटूंचा लैंगिक छळ केला आणि खेळाडूंना धमकावले, असा दावा कुस्तीपटूंनी केला होता. आता यावर खेळ मंत्रालयाने देखरेख समितीची मुदत आणखी दोन आठवड्यांनी वाढवली आहे.

सदस्यांच्या विनंतीनंतर मुदतवाढ :कुस्तीपटूंनी लैंगिक अत्याचाराच्या आरोपांना बळी पडलेल्या कोणत्याही व्यक्तीची नावे उघड केली नाहीत. या समितीला चार आठवड्यांत अहवाल सादर करण्यास सांगितले होते. ही समिती क्रीडा संघटनेचे दैनंदिन कामकाजही पाहत आहे. समितीच्या सदस्यांच्या विनंतीनंतर मंत्रालयाने ही मुदत वाढवली असून, आता 9 मार्च रोजी हा अहवाल सादर केला जाणार आहे.

ब्रिजभूषण यांना सर्वोच्च पदावरून हटवण्याची मागणी :मंत्रालयातील एका सूत्राने पीटीआयला सांगितले की, त्यांच्या विनंतीनंतर क्रीडा मंत्रालयाने निरीक्षण समितीला अहवाल सादर करण्यासाठी आणखी दोन आठवड्यांचा वेळ दिला आहे. बजरंग पुनिया, विनेश फोगट, रवी दहिया आणि साक्षी मलिक यांच्यासह आघाडीच्या भारतीय कुस्तीपटूंनी ब्रिजभूषण यांना सर्वोच्च पदावरून हटवण्याची आणि WFI विसर्जित करण्याची मागणी करीत नवी दिल्लीतील जंतरमंतर येथे आंदोलन केल्यावर मंत्रालयाला पॅनेलची स्थापना करण्यास भाग पाडले. धरणावर बसले. त्यानंतर तपास पूर्ण होईपर्यंत भाजप खासदाराला पायउतार होण्यास सांगण्यात आले होते. आता यावर खेळ मंत्रायलाने देखरेख समितीचा रिपोर्ट अजून पूर्णपणे न आल्याने त्यांनी यावर समितील आणिखी दोन आठवड्यांची मुदत दिली आहे.

नेमके काय आहे प्रकरण : उत्तर प्रदेशचे राजकारण आणि त्यात स्वतःचे नाणे चालवणारा बाहुबली नेहमीच चर्चेत असतो. यावेळी भाजप खासदार ब्रिजभूषण शरण सिंह चर्चेत आहेत. ब्रिजभूषण शरण सिंह हे सध्या महिला कुस्तीपटूंच्या लैंगिक छळाच्या आरोपांमुळे चर्चेत आहेत. गेल्या तीन दशकांपासून ते त्यांची जोरदार वक्तव्ये, बाहुबली इमेज आणि खटल्यांमुळे चर्चेत आहेत.

चौकशी समिती केली स्थापन : अनुराग ठाकूर यांनी पत्रकारांना सांगितले की, 'खेळाडूंच्या मागण्या लक्षात घेऊन आम्ही एक चौकशी समिती स्थापन करण्याचा निर्णय घेतला आहे. त्यांची नावे लवकरच जाहीर केली जातील. पुढील चार आठवड्यात या प्रकरणाचा तपास पूर्ण केला जाईल. तसेच सर्व आरोपांची कसून चौकशी केली जाईल'. 'खेळाडूंनी त्यांच्या मागण्या मांडल्या आणि आम्ही त्यांच्याशी सविस्तर चर्चा केली. जेव्हा आरोप लावले गेले तेव्हा आम्ही WFI ला नोटीस बजावली होती आणि त्यांना 72 तासांच्या आत उत्तर देण्यास सांगितले होते आणि त्यांनी तसे केले. त्याचप्रमाणे हे प्रकरण लवकर निकाली काढता यावे यासाठी आम्ही त्यांचे वेळीच सहकार्य आणि सहकार्य मागतो', असेही ते म्हणाले.

हेही वाचा : Sunrisers Hyderabad New Captain : सनरायझर्स हैदराबादच्या कर्णधारपदी एडन मार्करामची निवड; जाणून घ्या तडफदार फलंदाजाविषयी