उलान-उदे (रशिया) - भारताची अव्वल महिला बॉक्सर ए. सी. मेरी कोमने जागतिक बॉक्सिंग अजिंक्यपद स्पर्धेमध्ये शानदार खेळाचे प्रदर्शन केले. सहा वेळा जगज्जेती ठरलेली मेरी कोमने ५१ किलो वजनी गटात उपउपांत्य फेरी गाठली आहे. मेरी कोमने उपउपांत्यपूर्व फेरीच्या सामन्यात थायलंडची बॉक्सर जुटामास जितपाँगचा ५-० असा एकतर्फी पराभव केला.
जागतिक बॉक्सिंग अजिंक्यपद स्पर्धेमध्ये भारताची मेरी कोमला पहिल्या फेरीत पुढे चाल मिळाली. त्यानंतर उपउपांत्यपूर्व फेरीच्या सामन्यात मेरी कोमने थायलंडच्या जुटामास जिटपाँगशी दोन हात केले. या सामन्यात मेरी कोमने जुटामासला गुण घ्यायची संधी दिली नाही. तिने हा सामना ५-० ने एकतर्फी जिंकला.