विम्बल्डन: भारताची स्टार टेनिसपटू सानिया मिर्झा आणि तिची क्रोएशियन जोडीदार मेट पॅव्हिक ( Sania Mirza and Mate Pavic enter semifinals ) यांनी ग्रॅब्रिएला डॅब्रोव्स्की आणि जॉन पियर्स यांचा चुरशीच्या सामन्यात पराभव करून विम्बल्डनच्या मिश्र दुहेरीच्या उपांत्य फेरीत प्रवेश केला. सानिया आणि पॅव्हिक या सहाव्या मानांकित जोडीने सोमवारी रात्री उपांत्यपूर्व फेरीत कॅनडा आणि ऑस्ट्रेलिया जोडीचा एक तास 41 मिनिटांत 6-4, 3-6, 7-5 असा पराभव केला.
भारत आणि क्रोएशिया उपांत्यपूर्व फेरीत सातव्या मानांकित रॉबर्ट फराह आणि येलेना ओस्टापेन्को आणि द्वितीय मानांकित नील स्कुप्सी आणि डिझायर क्रोविच यांच्यातील उपांत्यपूर्व फेरीतील विजेत्याशी लढतील. ऑल इंग्लंड क्लबमधील मिश्र दुहेरीत सानियाची ही सर्वोत्तम कामगिरी आहे. यापूर्वी तिने 2011, 2013 आणि 2015 मध्ये उपांत्यपूर्व फेरी गाठली होती.
सानिया आणि मेटची जोडी ( A pair of Sania and Met ) चमकदार कामगिरी करत आहे. जोडीने प्रथम सर्व्हिस केल्यास, जिंकण्याची शक्यता 73 टक्के असते, तर दुसऱ्या सर्व्हिसवर जिंकण्याची टक्केवारी 65 पर्यंत कमी होत जाते. या जोडीला दुसऱ्या फेरीत एक फायदा झाला, जेव्हा त्यांना इव्हान डोडिग आणि लतीशा चॅन या जोडीचा सामना करावा लागणार होता, परंतु ही जोडी बाहेर पडली, त्यानंतर सानिया-मेटला वॉकओव्हर मिळाला. यामुळे सानियाची जोडी उपांत्यपूर्व फेरीत पोहोचली.
सानिया मिर्झा-मेट पॅव्हिक जोडी
2015 मध्ये सानियाने महिला दुहेरीत हे विजेतेपद पटकावले होते, परंतु यावेळी ती पहिल्या फेरीत पराभूत झाल्याने बाहेर पडली होती. मात्र, सानियाने आपला प्रवास सुरूच ठेवत मिश्र दुहेरीची उपांत्य फेरी गाठली. दुसरीकडे, फ्रेंच ओपन उपांत्य फेरीतील रोहन बोपण्णा सध्या सुरू असलेल्या विम्बल्डन स्पर्धेतून बाहेर ( Rohan Bopanna out of Wimbledon ) पडला आहे.
हेही वाचा -IND vs ENG 5th Test : इंग्लंडचा भारतावर सात विकेट्सने विजय; पाच सामन्यांची मालिका 2-2 ने बरोबरीत
