नवी दिल्ली - भारताचा महान बुद्धिबळपटू विश्वनाथन आनंदला लेजेंड स्पर्धेत सलग पाचवा पराभव स्वीकारावा लागला आहे. हंगेरीच्या पीटर लेकोने आनंदला 3-2 असे हरवले. माजी विश्वविजेत्या आनंदने बेस्ट ऑफ फोर बेट्सचा पहिला सामना जिंकत चांगली सुरूवात केली होती. मात्र, त्यानंतरचे दोन्ही सामने अनिर्णित राहिले.
त्यानंतर लेकोने विजय मिळवत सामना बरोबरीत आणला. त्यानंतरच्या खेळीत, लेकोने टायब्रेकरमध्ये विजय मिळवत आनंदच्या पदरी पाचवा पराभव सोपवला. आनंद या स्पर्धेत गुणतालिकेत सर्वात खाली आहे.