Boxing Day Test: बॉक्सिंग डे कसोटीत वॉर्नला वाहिली जाणार श्रद्धांजली; ऑस्ट्रेलियाने केले नियोजन

Boxing Day Test: ऑस्ट्रेलियाचा माजी क्रिकेटपटू शेन वॉर्न याचे यावर्षी मार्च महिन्यात निधन झाले. (AUS SA Boxing Day Test) कसोटी क्रिकेट इतिहासात सर्वाधिक बळी घेणाऱ्या गोलंदाजांमध्ये त्याचा दुसरा क्रमांक लागतो. (Boxing Day Test For Shane Warne ) त्याच्या अकाली निधनानंतर अनेकांनी हळहळ व्यक्त केली होती. त्यानंतर आता दक्षिण आफ्रिके विरुद्धच्या मेलबर्न येथील कसोटीत त्याला एक खास पद्धतीने श्रद्धांजली वाहण्यात येणार आहे.

नवी दिल्ली: ऑस्ट्रेलियाचा दिवंगत दिवंगत फिरकी गोलंदाज आणि महान खेळाडू शेन वॉर्न यांना श्रद्धांजली वाहण्यासाठी बॉक्सिंग डे कसोटीत ऑस्ट्रेलिया आणि दक्षिण आफ्रिकेचे सर्व खेळाडू राष्ट्रगीतादरम्यान हॅट परिधान करतील. (Boxing Day Test) याच वर्षी मार्चमध्ये हृदयविकाराच्या झटक्याने त्यांचे निधन झाले. (Boxing Day Test For Shane Warne ) शेन वॉर्न अवघा ५२ वर्षांचा होता. वॉर्न हा कसोटी क्रिकेटमध्ये सर्वाधिक बळी घेणारा दुसरा गोलंदाज होता. (AUS SA Boxing Day Test )

ऑस्ट्रेलियात सध्या बिग बॅश लीग आणि ऑस्ट्रेलिया विरुद्ध दक्षिण आफ्रिका कसोटी मालिका सुरू आहे. बिग बॅश लीगमध्ये शेन वॉर्नला श्रद्धांजली वाहण्यात येत आहे, त्यामुळे आता ऑस्ट्रेलिया-दक्षिण आफ्रिका कसोटी मालिकेतील दुसऱ्या सामन्यात या माजी दिग्गज फिरकीपटूला वेगळ्या प्रकारची श्रद्धांजली वाहण्यात येणार आहे. ऑस्ट्रेलिया आणि दक्षिण आफ्रिकेचे खेळाडू शेन वॉर्नला श्रद्धांजली म्हणून बॉक्सिंग डे कसोटीत राष्ट्रगीता दरम्यानहॅट परिधान करतील.

शेन वॉर्नने 1994 च्या ऍशेस मालिकेदरम्यान बॉक्सिंग डे कसोटीत हॅट्ट्रिक घेतली होती. तसेच 12 वर्षांनंतर त्याने मैदानावर 700 वी विकेटही पूर्ण केली. या मैदानावर तो पुन्हा एकदा स्मरणात राहील. त्याची टेस्ट कॅप क्रमांक 350 मैदानाच्या चौरस भागात रंगवली जाईल. क्रिकेट ऑस्ट्रेलियाचे मुख्य कार्यकारी निक हॉकले या संदर्भात म्हणाले, 'शेन हा त्याच्या क्रिकेटमधील कामगिरीच्या महानतेसाठी आणि खेळाबद्दलच्या त्याच्या उत्साहासाठी जगभरातील क्रिकेट चाहत्यांसाठी एक आयकॉन आहे.

ऑस्ट्रेलियन आणि जागतिक खेळातील दिग्गज म्हणून त्याचे स्थान निश्चित आहे. आम्ही त्याच्या निधनाबद्दल शोक व्यक्त करतो, आणि शेन वॉर्नला त्याच्या आवडत्या बॉक्सिंग डे टेस्टमध्ये एमसीजीमध्ये सन्मानित करणे योग्य आहे. मी संपूर्ण क्रिकेट समुदायाच्या वतीने बोलतो की शेनचे कुटुंब, मित्र आणि विशेषत: त्याची मुले ब्रूक, जॅक्सन आणि समर यांच्यासोबत आमच्या संवेदना आहेत.