बॅडमिंटन - पदकाची प्रबळ दावेदार पी. व्ही. सिंधूचा उपांत्य फेरीत पराभव झाला. चीनी तैईपेच्या ताय झू यिंगने सिंधूचा 21-18, 21-12 असा पराभव केला. सिंधू आता कांस्य पदकासाठी सामना खेळेल. या सामन्यात तिच्यासमोर चीनच्या ही बिंग जिआओ हिचे आव्हान असणार आहे.
Tokyo Olympics : आज दिवसभरातील भारतीय खेळाडूंच्या सामन्यांचे निकाल, एका क्लिकवर
Tokyo Olympics 2020 July 31 Live updates
16:58 July 31
पी. व्ही. सिंधूचा धक्कादायक पराभव
15:10 July 31
पूजा राणीचे स्वप्न ऑलिम्पिकमध्ये पदक जिंकण्याचे स्वप्न धुळीस
बॉक्सिंगमध्ये भारताला जबर धक्का बसला. महिला बॉक्सर पूजा राणी उपांत्यपूर्व फेरीत पराभूत झाली. 75 किलो वजनी गटात चीनच्या ली क्यूआन हिने पूजा राणीचा 5-0 ने पराभव केला.
14:48 July 31
सेलिंगमध्ये भारतीय जोडीचे आव्हान संपुष्टात
सेलिंग - वरुण ठक्कर आणि गणपती या भारतीय जोडीचे टोकियोमधील आव्हान संपुष्टात आले. पुरूष स्कीफ रेसमध्ये भारतीय जोडी 17 व्या स्थानावर राहिली. दरम्यान, टॉप 10 जोड्या अंतिम फेरीसाठी पात्र ठरतात.
12:09 July 31
नेमबाजीत निराशा, अंजुम-तेजस्विनी अंतिम फेरीत पोहोचण्यात अपयशी
नेमबाजी: महिला ५० मीटर रायफल थ्री पोजिशनमध्ये अंजुम मुद्गील आणि तेजस्विनी सावंत यांना अंतिम फेरीत पोहोचण्यात अपयश आलं आहे.
10:33 July 31
भारतीय महिला हॉकी संघाचा विजय
हॉकी - भारतीय महिला हॉकी संघाने दक्षिण आफ्रिकेचा पराभव केला. भारताने हा सामना 4-3 ने जिंकला. या विजयासह भारतीय संघाच्या उपांत्यपूर्व फेरीत पोहोचण्याच्या आशा कायम आहेत.
09:07 July 31
कमलप्रीत कौर अंतिम फेरीत
अॅथलेटिक्स: महिला थाळीफेकमध्ये भारताची कमलप्रीत कौर अंतिम फेरीत पोहोचली आहे. पात्रता फेरीत कौरने दुसरे तर सीमा पुनियाने १६वे स्थान पटकावले. दरम्यान, पहिल्या १२ जणांना अंतिम फेरीत स्थान मिळतं.
09:07 July 31
अमित पांघलचा पराभव
बॉक्सिंग - अमित पांघलचे उपउपांत्यपूर्व फेरीत पराभूत झाला. 52 किलो वजनी गटात मार्टिनेझने पांघलचा 4-1 ने पराभव केला.
09:07 July 31
अतनु दासचे आव्हान उपउपांत्यपूर्व फेरीत संपुष्टात
तिरंदाजी : अतनु दासचे आव्हान उपउपांत्यपूर्व फेरीत संपुष्टात आले. जपानच्या ताकाहारूने रोमहर्षक सामन्यात अतनुचा पराभव केला.
08:53 July 31
टोकियो - टोकियो ऑलिम्पिक स्पर्धेचा आज 9 वा दिवस आहे. आज भारतीय खेळाडू तिरंदाज, नेमबाजी, बॉक्सिंग, बॅडमिंटन, सेलिंग, डिस्कस थ्रो म्हणजे थाळीफेकमध्ये नशीब आजमावणार आहेत. याशिवाय भारतीय हॉकी संघाचा सामना देखील आज होणार आहे.
Last Updated : Jul 31, 2021, 5:13 PM IST