India vs Sri Lanka T20: गुजरात टायटन्सचा शुभमन गिल अन् शिवम मावीला मिळाली टी 20 पदार्पणाची कॅप

India vs Sri Lanka T20: फलंदाज शुभमन गिल ( Shubman Gill ) आणि वेगवान गोलंदाज यांना संधी मिळाली आहे, ज्याचे ते वर्षानुवर्षे स्वप्न पाहत होते. गिलने भारतासाठी आतापर्यंत १३ कसोटी आणि १५ वनडे सामने खेळले आहेत. (India vs Sri Lanka T20 ) यामध्ये त्याने अनुक्रमे ७३६ आणि ६८७ धावा केल्या आहेत.

नवी दिल्ली:भारत आणि श्रीलंका यांच्यातील पहिला टी-२० सामना मुंबईच्या वानखेडे स्टेडियमवर खेळवला जात आहे. (India vs Sri Lanka T20 ) श्रीलंकेने नाणेफेक जिंकून प्रथम गोलंदाजी करण्याचा निर्णय घेतला आहे. भारतासाठी शुभमन गिल आणि वेगवान गोलंदाज शिवम मावी (Arshdeep Singh) आज T20 मध्ये पदार्पण करत आहेत. मंगळवारी नाणेफेकीपूर्वी दोन्ही खेळाडूंना T20I पदार्पणाच्या कॅप्स देण्यात आल्या. (India vs Sri Lanka) शुभमन गिलला सूर्यकुमार यादवने इंडिया कॅप दिली तर कर्णधार हार्दिक पंड्याने शिवम मावीला दिली.

गिलने भारतासाठी आतापर्यंत १३ कसोटी आणि १५ वनडे सामने खेळले आहेत. यामध्ये त्याने अनुक्रमे ७३६ आणि ६८७ धावा केल्या आहेत. यामध्ये त्याने एक शतक आणि 4 अर्धशतके झळकावली आहेत. याशिवाय त्याने 15 एकदिवसीय सामन्यांमध्ये 57.25 च्या सरासरीने 687 धावा केल्या आहेत. यामध्येही त्याने एक शतक आणि एक अर्धशतक झळकावले आहे. त्याचबरोबर शिवम मावीचा हा पहिलाच आंतरराष्ट्रीय सामना आहे. अर्शदीप सिंगच्या जागी मावीला प्लेइंग इलेव्हनमध्ये संधी देण्यात आली आहे.

दुसरीकडे, शिवम मावीने त्याच्या कारकिर्दीत आतापर्यंत एकूण 11 प्रथम श्रेणी सामने खेळले आहेत. या सामन्यांच्या एकूण 22 डावात त्याने 47 बळी घेतले. याशिवाय लिस्ट-ए मध्ये 36 मॅचमध्ये 59 विकेट्स आणि 46 टी-20 मॅचमध्ये 46 विकेट्स आहेत.

भारतीय संघ :हार्दिक पंड्या (कर्णधार), शुभमन गिल, इशान किशन, सूर्यकुमार यादव, संजू सॅमसन, दीपक हुडा, अक्षर पटेल, हर्षल पटेल, शिवम मावी, उमरान मलिक, युझवेंद्र चहल.

श्रीलंकेचा संघ : दासुन शनाका (कर्णधार), पथुम निसांका, कुसल मेंडिस, धनंजया डी सिल्वा, भानुका राजपक्षे, चरित अस्लंका, वानिंदू हसरंगा, चमिका करुणारत्ने, महेश थिक्शाना, कसून राजिथा, दिलशान मधुनका.