हैदराबाद -आजपासून प्रो-कबड्डीच्या सातव्या पर्वाला सुरुवात होणार असून एकूण 12 संघ विजेतेपदासाठी झुंझणार आहेत. आजचा सलामीचा सामना तेलुगू टायटन्स आणि यू मुंबा यांच्यात होणार आहे. हैदराबादच्या गचीबोली इंडोर स्टेडियमवर हे दोन्ही संघ भिडतील. तर दुसरा सामना पाटणा पायरेट्स विरुद्ध गतविजेते बंगळुरू बुल्स यांच्यात होणार आहे.
तेलुगू टायटन्स आणि यू मुंबा यांच्यातील सामन्याला 7.30 वाजता सुरुवात होईल. तर पाटणा पायरेट्स विरुद्ध बंगळुरू बुल्स यांच्यात होणारा सामना 8.30 वाजता सुरु होईल. यंदाच्या हंगामात सर्व सामने रॉबिन राऊंड पद्धतीने खेळवण्यात येणार असून प्रत्येक संघ एकमेकांशी दोनवेळा खेळेल आणि अव्वल सहा संघ प्ले ऑफसाठी पात्र ठरणार आहेत.