विम्बल्डन: भारतीय टेनिस स्टार सानिया मिर्झा मिश्र दुहेरीच्या उपांत्य फेरीत गतविजेते नील कुप्स्की आणि डिझायर क्रोजिक यांच्याकडून पराभूत झाली. त्यानंतर या स्पर्धेतून ती बाहेर पडली. सहाव्या मानांकित सानिया आणि क्रोएशियाच्या मेट पॅविच जोडीला ब्रिटनच्या कुप्स्की आणि अमेरिकेच्या डिझायरने 4-6, 7-5, 6-4 ने पराभूत केले. ( sania bids farewell to wimbledon )
सानियाची कारकीर्द - 35 वर्षीय सानियाने ( Sania Mirza ) तीन मिश्र दुहेरी विजेतेपदांसह सहा ग्रँड स्लॅम जेतेपदे जिंकली आहेत. मात्र, तिला विम्बल्डन मिश्र दुहेरी जिंकता आली नाही. तिने महेश भूपतीसह 2009 ऑस्ट्रेलियन ओपन आणि 2012 फ्रेंच ओपन आणि ब्राझीलच्या ब्रुनो सुआरेससह 2014 यूएस ओपन जिंकले.
विम्बल्डनला रामराम - या दौऱ्यातील सानियाचे हे शेवटचे वर्ष आहे. पहिला सेट जिंकल्यानंतर तिने आणि पॅविचने दुसऱ्या सेटमध्ये 4-2 अशी आघाडी घेतली. पण पुढील सहापैकी पाच गेम गमावले. निर्णायक सेटमध्ये सानिया आणि पॅविचने प्रतिस्पर्ध्याची सर्व्हिस तोडली पण जास्त काळ दडपण ठेवता आले नाही.
चुकांमुळे सामना गमावला - पाविचने 12व्या गेममध्ये दोनदा डबल फॉल्ट केले. विम्बल्डनमधील सानियाची ही सर्वोत्तम कामगिरी आहे. तिने 2011, 2013 आणि 2015 मध्ये उपांत्यपूर्व फेरी गाठली होती. तिने 2015 मध्ये मार्टिना हिंगीससोबत विम्बल्डनमध्ये महिला दुहेरीचे विजेतेपद पटकावले होते.
हेही वाचा - Wimbledon 2022: राफेल नदालने वेदनांच्या अडथळ्यावर मात करून गाठली उपांत्य फेरी
