दिल्लीतील दोन स्टेडियमवर क्रीडा उपक्रम सुरू

विशेष म्हणजे कोरोनामुळे 14 मार्चपासून स्टेडियमवरील सराव बंद करण्यात आला होता. काही दिवसांपूर्वी गृह मंत्रालयाने अटींच्या आधारावर क्रीडा स्टेडियममध्ये सराव सुरू करण्यास मान्यता दिली होती. त्यानंतर खेळ सुरू करण्यासाठी क्रीडा मंत्रालयाने एसओपीची घोषणा केली.

नवी दिल्ली -भारतीय खेल प्राधिकरणाने (एसएआय) दिल्लीतील मेजर ध्यानचंद राष्ट्रीय स्टेडियमवर पुन्हा क्रीडा उपक्रम सुरू केले आहेत. विविध स्टेडियममधील 50 टक्के सुविधा कार्यान्वित केल्या पाहिजेत, असा निर्णय प्राधिकरणाने घेतला होता.

विशेष म्हणजे कोरोनामुळे 14 मार्चपासून स्टेडियमवरील सराव बंद करण्यात आला होता. काही दिवसांपूर्वी गृह मंत्रालयाने अटींच्या आधारावर क्रीडा स्टेडियममध्ये सराव सुरू करण्यास मान्यता दिली होती. त्यानंतर खेळ सुरू करण्यासाठी क्रीडा मंत्रालयाने एसओपीची घोषणा केली.

दिल्लीतील जवाहरलाल नेहरू आणि मेजर ध्यानचंद्र अशा दोन स्टेडियमवर सराव सुरू झाला आहे. एसएआयच्या प्रशिक्षणासाठी सर्वप्रथम खेळाडूंनी ऑनलाईन बुकिंग करणे बंधनकारक आहे.

कोरोनाचा प्रभाव पाहता नजीकच्या काळात भारत कोणत्याही आंतरराष्ट्रीय स्पर्धांचे आयोजन करणार नाही. प्रेक्षकांशिवाय स्टेडियमवरील उपक्रमांचा आनंद कसा घ्यावा हे चाहत्यांना शिकावे लागेल, असे क्रीडामंत्री किरेन रिजिजू यांनी शनिवारी सांगितले होते.