Swiss Open Super 300 Title: पीव्ही सिंधू थायलंडच्या बुसाननला हरवून पहिल्यांदा ठरली स्विस ओपन चॅम्पियन

दोन वेळा ऑलिम्पिक पदक विजेती पीव्ही सिंधूने स्विस ओपन बॅडमिंटन स्पर्धा जिंकली आहे. महिला एकेरीच्या अंतिम फेरीत भारताच्या सिंधूने थायलंडच्या बुसानन ओंगबामरुंगफानचा सलग गेममध्ये पराभव केला. सिंधूने प्रथमच ही स्पर्धा जिंकली ( PV Sindhu claims Swiss Open 2022 ) आहे.

बासेल (स्वित्झर्लंड): स्विस ओपनचा फायनल सामना ( Final of Swiss Open ) पीव्ही सिंधू विरुद्ध बुसानन ओंगबामरुंगफान ( PV Sindhu vs Busanan Ongbamarungphan ) यांच्यात पार पडला. भारतीय महिला बॅडमिंटनपटू पीव्ही सिंधूने स्विस ओपनचे विजेतेपद पटकावले आहे. अंतिम सामन्यात जागतिक क्रमवारीत 7व्या स्थानी असलेल्या सिंधूने थायलंडच्या बुसानन ओंगबामरुंगफानचा 21-16, 21-8 असा सलग गेममध्ये पराभव केला. सिंधूने प्रथमच स्विस ओपन सुपर 300 चे विजेतेपद पटकावले ( Sindhu wins Swiss Open Super 300 ) आहे. पूर्वार्धात थायलंडच्या खेळाडूने दोन वेळा ऑलिम्पिक पदक विजेत्या सिंधूला टक्कर दिली. परंतु दुसऱ्या गेममध्ये सिद्धूने ओंगबामरुंगफनला कोणतीच संधी दिली नाही.

पहिल्या गेममध्ये दोन्ही खेळाडूंमध्ये काट्याची टक्कर पाहायला मिळाली. एक वेळीस सामना 13-13 असा बरोबरीत होता. यानंतर सिंधूने सलग तीन गुण मिळवत आघाडी घेतली. बुसाननने पुनरागमन करत 18-16 अशी बरोबरी साधली, पण त्यानंतर सलग तीन गुण घेत सिंधूने 21-16 अशा फरकाने गेम आपल्या नावावर केला. दुसऱ्या गेममध्ये सिंधूने बुसाननला कोणत्याही प्रकारची संधी दिली नाही. एकेकाळी भारतीय महिला खेळाडू 20-4 अशा फरकाने पुढे होती.

बुसाननने पुन्हा एकदा जोरदार पुनरागमन करण्याचा प्रयत्न करताना सलग 4 गुण मिळवले, मात्र एका गुण घेऊन सिंधूने सामन्यासह विजेतेपद पटकावले. सिंधूचे या वर्षातील हे दुसरे विजेतेपद आहे. तिने जानेवारीमध्ये सय्यद मोदी इंडिया इंटरनॅशनल स्पर्धा ( Syed Modi India International Competition ) जिंकली होती. सिंधूने 2019 साली बासेलमध्येच वर्ल्ड चॅम्पियनशिपचे विजेतेपद पटकावले होते.

जागतिक क्रमवारीत सातव्या क्रमांकावर असलेल्या सिंधूने उपांत्य फेरीत थायलंडच्या सुपानिडा केथांगचा ( Thailand Supanida Keithang ) पराभव केला होता. ज्यामध्ये तिने 21-18, 15-21, 21-19 अशा फरकाने मात केली होती. हा सामना सुमारे 79 मिनिटे चालला होता. आता भारतीय महिला बॅडमिंटनपटू पीव्ही सिंधूला या स्पर्धेत दुसरे मानांकन मिळाले आहे.