नवी दिल्ली :भारतीय बॅडमिंटनपटू पीव्ही सिंधूने रविवारी महिला एकेरीच्या अंतिम फेरीत चीनच्या वांग झी यी हिच्यावर मात करत शानदार विजय ( PV Sindhu defeated Wang Zi Yi ) मिळवला. सिंधूने वांग झी यीचा 21-9, 11-21 आणि 21-15 असा पराभव करत तिचे पहिले सिंगापूर ओपन जेतेपद पटकावले. त्यानंतर पंतप्रधान नरेंद्र मोदी यांनी ट्विट करुन पीव्ही सिंधूचे अभिनंदन केले ( PM Modi Congratulates PV Sindhu ).
सिंगापूर ओपनचे प्रथमच विजेतेपद पटकावल्याबद्दल पंतप्रधान नरेंद्र मोदी ( Prime Minister Narendra Modi ) यांनी रविवारी पीव्ही सिंधूचे अभिनंदन केले. मोदी म्हणाले की हा देशासाठी अभिमानाचा क्षण आहे आणि तिचा विजय आगामी खेळाडूंना प्रेरणा देईल. दोन वेळा ऑलिम्पिक पदक विजेत्या सिंधूने रविवारी एका खडतर लढतीत चीनच्या वांग झी यीचा पराभव करून सिंगापूर ओपन सुपर 500 स्पर्धेचे विजेतेपद ( Singapore Open Super 500 title ) पटकावले.