ऑलिम्पिकमध्ये पदक जिंकणे हेच माझे लक्ष्य - राहुल आवारे

दिल्ली, हरियाणामध्ये ज्याप्रमाणे सरकार खेळाडूंना पाठबळ देते तसे पाठबळ महाराष्ट्रात देखील मिळावे, अशी अपेक्षा राहुल आवारेने बोलून दाखवली. आगामी ऑलिम्पिकची मी तयारी सुरू केली आहे. येणाऱ्या ऑलिंपिकमध्ये संधी मिळाली नाही, तरी पुढील ऑलिम्पिकमध्ये खेळण्याची मला आशा आहे, असेही राहुल म्हणाला.

पुणे- विश्व कुस्ती चॅम्पियनशीप स्पर्धेत कांस्यपदक पटकवल्यानंतर आता माझे लक्ष्य ऑलिम्पिकमध्ये पदक जिंकण्याचे आहे. यासाठी मी सराव सुरू केला असल्याचे कुस्तीपटू राहुल आवारेने सांगितले. त्याचे मंगळवारी रात्री पुण्यात आगमन झाले. त्यानंतर आज बुधवारी पुणे श्रमिक पत्रकार संघाच्यावतीने आयोजित वार्तालाप कार्यक्रमात तो बोलत होता.

महाराष्ट्रात भरपूर गुणवत्ता आहे. मात्र, मातीतील कुस्तीमुळे या गुणवत्तेला चालना मिळत नाही. कोल्हापूर कुस्तीचे माहेरघर असले, तरी अकादमी अथवा सोयी-सुविधांचा अभाव असल्याने कुस्तीपटू पुण्यात सरावासाठी येत आहेत. यामुळे कोल्हापूरमध्ये सर्व सोयी-सुविधा युक्त असे कुस्तीचे मोठे स्पोर्टस् कॉम्प्लेक्स उभे करायला हवे, असे मत त्याने व्यक्त केले.

हेही वाचा - विश्व कुस्ती चॅम्पियनशीप : मराठमोळ्या राहुल आवारेने जिंकले कांस्यपदक

दिल्ली, हरियाणामध्ये ज्याप्रमाणे सरकार खेळाडूंना पाठबळ देते तसे पाठबळ महाराष्ट्रात देखील मिळावे, अशी अपेक्षा राहुल आवारेने बोलून दाखवली. आगामी ऑलिम्पिकची मी तयारी सुरू केली आहे. येणाऱ्या ऑलिम्पिकमध्ये संधी मिळाली नाही, तरी पुढील ऑलिम्पिकमध्ये खेळण्याची मला आशा आहे, असेही राहुल म्हणाला.

दरम्यान, राहुल आवारेने नुकतेच कझाकिस्तानच्या नूर सुल्तानमध्ये पार पडलेल्या विश्व कुस्ती चॅम्पियनशीप स्पर्धेत कांस्य पदक जिंकले आहे. या स्पर्धेत राहुलने ६१ किलो वजनी गटात अमेरिकेचा टेलर ली ग्राफचा ११-४ ने पराभव करत कांस्यपदकाची कमाई केली.

हेही वाचा -बजरंगाची कमाल...! अशी कामगिरी करणारा ठरला पहिला भारतीय