ETV Bharat Maharashtra

महाराष्ट्र

maharashtra

ETV Bharat / sports

२८ नोव्हेंबरला रंगणार 'तो' ऐतिहासिक सामना! - mike tyson vs jones match

५४ वर्षीय टायसन यांचा सामना ५१ वर्षीय रॉय जोन्सशी २८ नोव्हेंबरला होणार आहे. टायसन आणि जोन्स यांच्यातील सामन्यात आठ फेऱ्या होतील. प्रत्येक फेरी दोन मिनिटांची असेल.

mike tyson will return to the ring after 15 years
२८ नोव्हेंबरला रंगणार 'तो' ऐतिहासिक सामना!
author img

By

Published : Oct 31, 2020, 5:37 PM IST

लंडन -हेवीवेट चॅम्पियन आणि दिग्गज बॉक्सिंगपटू माइक टायसन १५ वर्षानंतर पुन्हा रिंगमध्ये उतरणार आहेत. ५४ वर्षीय टायसन यांचा सामना ५१ वर्षीय रॉय जोन्सशी २८ नोव्हेंबरला होणार आहे. कॅलिफोर्निया अ‍ॅथलेटिक कमिशनने पुढील महिन्यात टायसन आणि जोन्स यांच्यात होणाऱ्या सामन्यास प्रदर्शनीय सामना म्हणून मान्यता दिली आहे.

प्रदर्शनीय सामना नाही -

टायसन म्हणाले, ''हा खरा सामना नाही का? हा माइक टायसन विरुद्ध रॉय जोन्स यांच्यातील सामना आहे. मी सामन्यासाठी येत आहे आणि तेही येत आहेत. आपल्याला एवढेच माहित असणे आवश्यक आहे.'' १९८६मध्ये टायसन यांनी वयाच्या २०व्या वर्षी ट्रेवर बेबरिकला हरवत जगातील सर्वात तरुण हेवीवेट चॅम्पियनचा विक्रम रचला होता. त्यांनी आपल्या कारकिर्दीत ५८ पैकी ५० सामने जिंकले आहेत.

आठ फेऱ्यांचा सामना -

टायसन आणि जोन्स यांच्यातील सामन्यात आठ फेऱ्या होतील. प्रत्येक फेरी दोन मिनिटांची असेल. टायसन यांनी अखेर जून २००५मध्ये अधिकृत सामना खेळला होता. टायसन हे १९९६पासून एकही विजेतेपद मिळवू शकले नाहीत.

दोन वर्षानंतर जोन्स खेळणार -

जोन्सने आपला शेवटचा सामना फेब्रुवारी २०१८मध्ये खेळला नाही. या दोन्ही बॉक्सरने एकमेकांना दुखवण्याचा प्रयत्न करु नये, असे कॅलिफोर्निया कमिशनच्या अधिकाऱ्यांनी हे स्पष्ट केले आहे.

ABOUT THE AUTHOR

...view details