क्वालालंपूर: मलेशिया मास्टर्स सुपर 500 स्पर्धेतील भारतीय शटलर एचएस प्रणॉयची ( Indian Shuttler HS Pranoy ) प्रभावी मालिका शनिवारी संपुष्टात आली. पुरुष एकेरीच्या उपांत्य फेरीत हाँगकाँगच्या एनजी का लाँग अँगसकडून तीन गेममध्ये पराभव पत्कारावा लागला. प्रणॉयने एका गेमची आघाडी गमावली आणि उपांत्य फेरीत त्याचा पुन्हा पराभव झाला.
एक तास चार मिनिटे चाललेल्या या लढतीत त्याला एनजी का लाँगकडून ( NG Ka Long Angus ) 21-17, 9-21, 17-21 असा पराभव पत्करावा लागला. सामन्यापूर्वी एनजी का लाँगविरुद्ध प्रणॉयचा कारकिर्दीतील विक्रम 4-4 असा बरोबरीत होता. गेल्या तीन सामन्यांमध्ये तो हाँगकाँगच्या खेळाडूवर भारी पडला होता. पहिल्या गेममध्ये त्याची चांगली पकड होती, पण नंतर त्याच्या लांबीशी झुंजत त्याने अनेक सोप्या चुका केल्या.
प्रणॉयने पहिल्या गेममध्ये 5-3 अशी आघाडी घेऊन सुरुवात केली. ब्रेकपर्यंत तो चार गुणांनी पुढे होता. पण, प्रणॉयने 17-13 पर्यंत चार गुणांची आघाडी कायम राखली. यानंतर पुन्हा दोन गुण गमावले असले तरी लवकरच चार गेम पॉइंट्सची संधी साधून गेम जिंकला. दुसऱ्या गेममध्ये प्रणॉयला शटलवर नियंत्रण ठेवणे कठीण जात होते, त्याचा फायदा घेत हाँगकाँगच्या खेळाडूने ब्रेकपर्यंत सहा गुणांची आघाडी घेतली. तरीही प्रणॉयच्या चुका सुरूच राहिल्या आणि एनजी का लॉन्ग याने गेम आपल्या नावी केला.
सामना निर्णायक गेमपर्यंत पोहोचला ज्यामध्ये प्रणॉय सुरुवातीला नियंत्रणात होता आणि 8-3 असा पुढे गेला. पण प्रतिस्पर्धी खेळाडूने शानदार पुनरागमन करत पुढील नऊपैकी आठ गुण मिळवले आणि ब्रेकपर्यंत दोन गुणांची महत्त्वपूर्ण आघाडी कायम राखली. प्रणॉयने रॅलींचा वेग वाढवण्याचा प्रयत्न केला पण हाँगकाँगच्या खेळाडूने 16-12 अशी आघाडी घेतली. प्रणॉयने 16-17 अशी आघाडी घेतली असली, तरी प्रतिस्पर्ध्याने तीन मॅच पॉइंट मिळवून दीर्घ रॅली जिंकून सामना जिंकला.
हेही वाचा -Sl Vs Aus 2nd Test : हजारो आंदोलकांनी गॅले स्टेडियमला घातला वेढा, सनथ जयसूर्याही आंदोलकांमध्ये सामील
