दोहा :कतारमध्ये सुरू असलेल्या फिफा विश्वचषक स्पर्धेच्या (FIFA World Cup 2022) बाद फेरीचे सामने सुरू झाले आहेत. 32 पैकी 16 संघ बाद फेरीत पोहोचले असून जो संघ या फेरीत विजयी होईल तो अंतिम आठमध्ये पोहोचेल. विश्वचषकात फ्रान्सचा स्टार स्ट्राईकर किलियन एमबाप्पे (Kylian Mbappe) 5 गोलसह गोल्डन बूटच्या शर्यतीत (Golden Boot) आघाडीवर आहे. त्याचबरोबर इतर पाच खेळाडूंनी आतापर्यंत 3-3 गोल केले आहेत.
गोल्डन बूट अवॉर्ड म्हणजे काय? :विश्वचषकस्पर्धेत सर्वाधिक गोल करणाऱ्या खेळाडूला गोल्डन बूट पुरस्कार दिला जातो. अर्जेंटिनाच्या लिओनेल मेस्सीने हा पुरस्कार सहा वेळा जिंकला आहे. मेस्सीने या विश्वचषकात आतापर्यंत तीन गोल केले आहेत. 2018 मध्ये इंग्लंडच्या हॅरी केनला हा पुरस्कार मिळाला होता. त्याने त्या स्पर्धेत सहा गोल केले होते.