नवी दिल्ली:जसप्रीत बुमराहचा श्रीलंकेविरुद्धच्या (IND vs SL) तीन सामन्यांच्या मालिकेसाठी भारताच्या वनडे संघात समावेश करण्यात आला आहे. (India vs Sri Lanka 1st T20I Highlights) पाठदुखी आणि ताणामुळे हा वेगवान गोलंदाज गेल्या वर्षी सप्टेंबरपासून मैदानाबाहेर होता. (Jasprit Bumrah) तेव्हापासून त्याचे बंगळुरू येथील राष्ट्रीय क्रिकेट अकादमीमध्ये पुनर्वसन सुरू आहे. एकदिवसीय मालिकेत रोहित शर्मा भारतीय संघाचे नेतृत्व करणार आहे.
बीसीसीआयने 27 डिसेंबर रोजी 16 सदस्यीय भारतीय संघाची घोषणा केली होती, परंतु त्यानंतर बुमराहला संघात स्थान मिळाले नाही. भारताचा श्रीलंकेविरुद्धचा पहिला सामना गुवाहाटीमध्ये, दुसरा सामना कोलकात्याच्या इडन्स गार्डनमध्ये आणि तिसरा सामना तिरुवनंतपुरम येथे होणार आहे. तिन्ही सामने डे नाईटचे असणार आहेत, जे दुपारी दीड वाजता सुरू होणार आहेत.
श्रीलंका वनडेसाठी भारतीय संघःरोहित शर्मा (क), शुभमन गिल, विराट कोहली, सूर्यकुमार यादव, श्रेयस अय्यर, केएल राहुल (विकेटकीपर), इशान किशन (विकेटकीपर), हार्दिक पंड्या (क), वॉशिंग्टन सुंदर, युझवेंद्र चहल, कुलदीप यादव, अक्षर पटेल, जसप्रीत बुमराह, मोहम्मद. शमी, मोहम्मद. सिराज, उमरान मलिक, अर्शदीप सिंग