नवी दिल्ली -यंदाच्या विश्व अ‌ॅथलेटिक्स चॅम्पियनशिप स्पर्धेसाठी काही दिवसांपूर्वी भारतीय अ‌ॅथलेटिक्स महासंघाने (एएफआय) भारतीय संघाची घोषणा केली होती. या संघात आघाडीची महिला धावपटू द्युती चंद हिला स्थान देण्यात आलेले नव्हते. मात्र, तिचा आता संघात समावेश केला आहे.
हेही वाचा -विश्व अ‌ॅथलेटिक्स चॅम्पियनशिप स्पर्धेतून तेजस्वनी शंकरची माघार
कतारमधील दोहा येथे होणाऱ्या या स्पर्धेसाठी २५ सदस्यीय भारतीय संघाची घोषणा करण्यात आली होती. द्युती या स्पर्धेसाठी पात्र झाली नव्हती. तिचा संघातील समावेश हा फक्त एएफआयच्या निर्णयावर अवलंबून होता. 'विश्व अ‌ॅथलेटिक्स चॅम्पियनशिप स्पर्धेसाठी महिलांमध्ये १०० मीटर धावणे प्रकारात द्युती चंद हिला स्थान देण्यात आले आहे', असे एएफआयने ट्विटमध्ये म्हटले आहे.