नवी दिल्ली:दिग्गज फुटबॉलपटू आयएम विजयन ( IM Vijayan Statement ) यांना वाटते की संतोष ट्रॉफी खेळाडूंना त्यांची प्रतिभा दाखवण्यासाठी आणि क्लबद्वारे निवडण्यासाठी एक उत्तम व्यासपीठ प्रदान करत आहे. पश्चिम बंगाल आणि केरळ या दोन्ही संघांसाठी संतोष ट्रॉफी खेळलेल्या विजयनने सांगितले की, सर्व खेळाडूंना स्वत:ला सिद्ध करण्याची चांगली संधी आहे. ही सर्वात प्रतिष्ठित स्पर्धांपैकी एक आहे. हे खेळाडू भारतात स्पर्धा खेळून आघाडीच्या क्लबचे लक्ष वेधून घेण्याचा प्रयत्न करतील.
यंदाच्या मोसमात संतोष ट्रॉफीसाठी 75व्या राष्ट्रीय फुटबॉल चॅम्पियनशिपची ( 75th National Football Championship ) जोरदार चर्चा रंगली आहे, त्यामुळे चाहतेही खूप खूश आहेत. प्रतिष्ठित स्पर्धेच्या पुनरागमनामुळे भारताचा माजी कर्णधार विजयनसह सर्वांना आनंद झाला आहे. संतोष ट्रॉफी उपांत्य फेरीत प्रवेश करण्यासाठी सज्ज झाली आहे आणि आयएम विजयन या स्पर्धेच्या लोकप्रियतेने खूप प्रभावित आहेत.