नवी दिल्ली : हॉकीपटू वंदना कटारिया ( Hockey player Vandana Kataria ) हिला राष्ट्रपती रामनाथ कोविंद यांच्या हस्ते पद्मश्री पुरस्काराने ( Padma Shri Award ) सन्मानित करण्यात आले आहे. वंदना ही क्रीडा जगतातील प्रसिद्ध हॉकीपटूंपैकी एक आहे. तिने आतापर्यंत 250 हून अधिक आंतरराष्ट्रीय सामन्यांमध्ये आपला सहभाग नोंदवला आहे. तसेच वंदना ही पहिली महिला खेळाडू आहे, जिने ऑलिम्पिकमध्ये हायट्रिक नोंदवली ( Recorded Htrick in the Olympics ) आहे. वंदना कटारिया हिची 2020 मध्ये अव्वल गोलकीपर असल्यामुळे पद्मश्रीसाठी निवड करण्यात आली.
वंदना मूळची उत्तराखंड मधील हरिद्वार ( Vandana resident of Haridwar ) येथील आहे. तिचे क्रीडा जीवन खुप संघर्षाने भरलेले आहे. 2013 साली झालेल्या महिला हॉकी ज्युनियर विश्वचषकातही ती सर्वाधिक गोल करणारी खेळाडू ठरली आहे. 2006 मध्ये तिची भारतीय कनिष्ठ संघासाठी निवड झाली आणि 2010 मध्ये ती वरिष्ठ राष्ट्रीय संघाची खेळाडू बनली. त्याचबरोबर 2013 मध्ये जर्मनीत झालेल्या ज्युनियर वर्ल्ड कपमध्येही तिने कांस्यपदक पटकावले होते. कटारियाला गेल्या वर्षी उत्तराखंडच्या मुख्यमंत्र्यांनी राज्याच्या महिला सक्षमीकरण आणि बाल विकास विभागाचे ब्रेन नंबर ब्रँड अॅम्बेसेडर बनवले होते.