फाजा जागतिक पॅरा तिरंदाजी चॅम्पियनशीप : भारताने २ सुवर्ण, ३ रौप्य पदकांसह पटाकावले तिसरे स्थान

फाजा जागतिक पॅरा तिरंदाजी चॅम्पियन स्पर्धेत भारतीय तिरंदाजांनी दोन सुवर्ण तर ३ रौप्य पदकं जिंकली.

दुबई - फाजा जागतिक पॅरा तिरंदाजी चॅम्पियन स्पर्धेत भारतीय तिरंदाजांनी पाच पदकं जिंकली. यात दोन सुवर्ण तर ३ रौप्य पदकांचा समावेश आहे. तिरंदाजांच्या या कामगिरीमुळे भारत या स्पर्धेत तिसऱ्या स्थानी राहिला.

पुरूष गटात राकेश आणि स्वामी यांच्यातील सामना राकेशने जिंकला. तर महिला गटात ज्योती बलियान हिने रौप्य पदकाची कमाई केली.

गुरूवारी भारताचा तिरंदाज हरविंदर सिंह आणि पूजा या दोघांनी मिश्रमध्ये सुवर्णपदक जिंकले होते.

भारत पदकतालिकेत तिसऱ्या स्थानी राहिला. तर ८ पदकासह तुर्कीने पहिले स्थान पटकावले. रुस ३ सुवर्ण आणि १ रौप्य पदकासह दुसऱ्या स्थानी राहिला.

हेही वाचा -हिमा दास झाली पोलीस अधिकारी!

हेही वाचा -जिम्नॅस्टिक : भारतीय खेळाडूंचे ऑलिम्पिक खेळण्याचे स्वप्न भंगले