नवी दिल्ली - जागतिक तिरंदाजी चॅम्पियनशीप स्पर्धा 2021 चे आयोजन अमेरिकेच्या यांकटन येथे करण्यात आले आहे. या स्पर्धेला 19 सप्टेंबरपासून सुरूवात होणार असून भारतीय संघ या स्पर्धेसाठी सज्ज झाला आहे.
ऑलिम्पिक डॉट कॉमच्या बातमीनुसार, आठवडाभर चालणारी ही स्पर्धा पुरूष, महिला, मिश्र आणि टीम डिविजन कंपाउंड तसेच रिकर्वच्या दोन्ही श्रेणीमध्ये होणार आहे.
टोकियो ऑलिम्पिकमध्ये खेळलेले दीपिका कुमारी आणि अतनु दास भारतीय संघात नाही. माजी आशियाई क्रीडा पदक विजेता अभिषेक वर्मा आणि मागील स्पर्धेत कास्य पदक जिंकणारी ज्योती वेन्नम यांच्यावर भारताची मदार असणार आहे. युवा खेळाडू कोमलिका बारी, आदित्य चौधरी आणि पार्थ साळुंखे हे रिकर्वमध्ये भारताचे नेतृत्व करतील.