नवी दिल्ली- भारताची स्टार धावपटू द्युती चंद हिने युरोपीयन स्पर्धेमध्ये भाग घेण्यासाठीच्या व्हिसेसाठी अर्ज केला होता. पण तो अर्ज काही कारणास्तव मिळाला नाही. यामुळे द्युतीने, परराष्ट्रमंत्री एस. जयशंकर यांना याप्रकरणी मदत करुन वेळेत व्हिसा मिळवून द्यावं, अशी विनंती ट्विटरवरुन केली. तेव्हा परराष्ट्रमंत्री जयशंकर यांनी द्युतीला तात्काळ व्हिसा मिळवून दिला आहे.
द्युती चंदला विश्व चॅम्पियनशीप स्पर्धांमध्ये पात्रता मिळवण्याची इच्छा आहे. यासाठी तिला युरोपीयन स्पर्धांमध्ये भाग घ्यावे लागणार आहे. तेव्हा तिने या स्पर्धेत भाग घेण्यासाठी अर्ज केला मात्र, तिचा व्हिसा काही कारणास्तव रखडला गेला. यावर तिने जयशंकर यांनी वेळेत व्हिसा मिळवून द्यावे, अशी विनंती ट्विट करुन केली होती.