Danish Open : वेदांत माधवनने डॅनिश ओपन जलतरण स्पर्धेत पटकावले सुवर्णपदक

ज्येष्ठ अभिनेते आर माधवन यांचा मुलगा वेदांत याने कोपनहेगन येथील डॅनिश ओपनमध्ये पुरुषांच्या 800 मीटर फ्रीस्टाइल जलतरण ( 800m freestyle swimming ) स्पर्धेत सुवर्णपदक जिंकले आहे. त्याने स्थानिक जलतरणपटू अलेक्झांडर एल. ब्योर्नचा ( Swimmer Alexander L. Bjorn ) 0.10 सेकंदांनी पराभव केला.

नवी दिल्ली: भारताचा नवोदित जलतरणपटू वेदांत माधवनने ( Swimmer Vedanta Madhavan ) आपला शानदार फॉर्म सुरू ठेवत कोपनहेगनमधील डॅनिश ओपनमध्ये पुरुषांच्या 800 मीटर फ्रीस्टाइल स्पर्धेत सुवर्णपदक जिंकले आहे. सोळा वर्षीय माधवनने वैयक्तिक सर्वोत्तम कामगिरी केली आणि 8:17.28 अशी वेळ नोंदवली. त्याने स्थानिक जलतरणपटू अलेक्झांडर एल. ब्योर्नचा 0.10 सेकंदांनी पराभव केला.

वेदांतने या स्पर्धेत सुवर्णपदक जिंकले ( Vedanta Madhavan Won Gold Medal ) असले तरी आंतरराष्ट्रीय स्तरावर तो खूप मागे आहे. टोकियो ऑलिम्पिकमध्ये सुवर्णपदक जिंकणाऱ्या अमेरिकेच्या रॉबर्ट फिन्केने ( Robert Finke ) 7: 41.87 अशी वेळ नोंदवली. जागतिक विक्रम 7:32.12 आहे. प्रसिद्ध अभिनेते आर माधवन यांचा मुलगा वेदांतने मात्र त्याच्या कामगिरीत बरीच सुधारणा केली आहे. त्याची कामगिरी स्पर्धा दर स्पर्धेनुसार चांगली होत आहे.

यापूर्वी, त्याने 1500 मीटर फ्रीस्टाईलमध्ये रौप्य पदक जिंकले आणि 200 मीटर फ्रीस्टाईलमध्ये त्याच्या वेळेत सुधारणा केली. अनुभवी भारतीय जलतरणपटू साजन प्रकाशने ( Swimmer Sajan Prakash ) पुरुषांच्या 100 मीटर बटरफ्लाय ए फायनलमध्ये 54.24 सेकंद वेळेसह पाचवे स्थान पटकावले.

त्याचवेळी तनिश जॉर्ज मॅथ्यू सीने 56.44 गुणांसह अंतिम फेरीत अव्वल स्थान पटकावले. हीट्समधील अव्वल आठ जलतरणपटू ए अंतिम फेरीसाठी पात्र ठरतात. पुढील आठ बी मध्ये उतरतात आणि पुढील आठ सी मध्ये उतरतात. महिला विभागात, शक्ती बालकृष्णनने 200 मीटर फ्रीस्टाइलमध्ये 42 जलतरणपटूंपैकी 34 वे स्थान पटकावले. या स्पर्धेत भारताला आतापर्यंत दोन सुवर्ण आणि एक रौप्यपदक मिळाले आहे.

हेही वाचा -Ipl 2022 Updates : कोविडच्या सावटामुळे दिल्ली कॅपिटल्सचा संपूर्ण संघ क्वारंटाईन; पुढील सामना होऊ शकतो रद्द