CWG 2022 Medal Tally : सहा पदकांसह भारत पोहोचला पदकतालिकेत सहाव्या स्थानावर

भारताच्या वेटलिफ्टर्सने केवळ विक्रमी वजनच उचलले नाही, तर पदक जिंकण्याच्या आशांचे वजनही यशस्वीपणे पार पाडले आणि देशाला पदकतालिकेत सहाव्या क्रमांकावर ( Birmingham Commonwealth Games 2022 ) पोहोचवले.

बर्मिंगहॅम: राष्ट्रकुल क्रीडा 2022 ( Commonwealth Games 2022 ) मध्ये भारतीय खेळाडूंनी आपली उत्कृष्ट कामगिरी सुरू ठेवली आहे. बर्मिंगहॅम कॉमनवेल्थ गेम्स 2022 चा तिसरा दिवसही पूर्ण झाला आहे. ऑस्ट्रेलियाने तिसऱ्या दिवशीही वर्चस्व राखले आणि पदकतालिकेत पहिल्या स्थानावर आपली पकड मजबूत केली. त्याच वेळी, भारताच्या वेटलिफ्टर्सने केवळ विक्रमी वजनच उचलले नाही, तर पदक जिंकण्याच्या आशांचे वजनही यशस्वीपणे पार पाडले आणि देशाला पदकतालिकेत सहाव्या क्रमांकावर ( India rank sixth CWG 2022 medal table ) पोहोचवले.

रविवारी दोन युवा वेटलिफ्टर्सनी भारतासाठी पदार्पणाच्या सामन्यात सुवर्ण यश मिळविले. याची सुरुवात 19 वर्षीय वेटलिफ्टर जेरेमी लालरिनुंगा ( Weightlifter Jeremy Lalrinunga ) यांनी केली होती. पुरुषांच्या 65 किलोमध्ये जेरेमीने दिवसाचे पहिले सुवर्ण आणि भारतासाठी स्पर्धेतील दुसरे सुवर्ण जिंकले. त्यानंतर दिवसाच्या शेवटच्या स्पर्धेत 20 वर्षीय अचिंत शुलीने पुरुषांच्या 73 किलो वजनी गटात दिवसातील दुसरे सुवर्ण एकूण तिसरे सुवर्ण जिंकले.

भारताच्या खात्यात आतापर्यंत 6 पदके आली असून सर्व पदके वेटलिफ्टर्सनी जिंकली आहेत. त्याचवेळी याआधी ऑलिम्पिक सुवर्णपदक विजेती वेटलिफ्टर मीराबाई चानू ( Weightlifter Mirabai Chanu ) हिने सुवर्णपदक जिंकून संपूर्ण देशाचा मान उंचावला होता. दरम्यान, पुरुष हॉकी संघानेही विजयाने सुरुवात केली आहे. संघाने पहिल्या सामन्यात घानाचा 11-0 असा पराभव केला.

हेही वाचा -Commonwealth Games 2022 : राष्ट्रकुल क्रीडा स्पर्धेतील चौथ्या दिवसाते भारताचे वेळापत्रक, घ्या जाणून