राउरकेला:ओडिशाचे मुख्यमंत्री नवीन पटनायक (Odisha CM Naveen Patnaik ) यांनी गुरुवारी देशातील सर्वात मोठे हॉकी स्टेडियम असलेल्या बिरसा मुंडा आंतरराष्ट्रीय हॉकी स्टेडियमचे उद्घाटन करणार आहेत. (Hockey World Cup 2023 ) खचाखच भरलेल्या स्टेडियमच्या मध्यभागी उभे राहून पटनायक (CM Naveen Patnaik ) यांनी १३ जानेवारीपासून सुरू होणाऱ्या FIH पुरुष हॉकी विश्वचषक २०२३ आधी स्टेडियम खुले असल्याचे घोषित केले. (Biggest Hockey Stadium In India ) भुवनेश्वरमधील कलिंगा स्टेडियमनंतर राउरकेला हे विश्वचषक स्पर्धेचे दुसरे ठिकाण आहे.
पटनायक म्हणाले की, हे स्टेडियम संपूर्ण देशाला ओडिशाची देणगी आहे. राउरकेला 44 पैकी 20 विश्वचषक सामन्यांचे आयोजन करेल तर फायनलसह उर्वरित 24 सामने कलिंगा स्टेडियमवर खेळवले जातील. स्पेन विरुद्ध भारताचा पहिला सामना 13 जानेवारी रोजी बिरसा मुंडा हॉकी स्टेडियमवर होणार आहे. दोन दिवसांनी याच मैदानावर भारताचा सामना इंग्लंडशी होणार आहे.
प्रख्यात आदिवासी स्वातंत्र्यसैनिक बिरसा मुंडा यांचे नाव असलेले हे स्टेडियम १४६ कोटी रुपये खर्चून बांधण्यात आले आहे. स्टेडियमची एकूण क्षमता 21 हजार प्रेक्षक आहे आणि हे देशातील सर्वात मोठे हॉकी स्टेडियम आहे. बिजू पटनायक युनिव्हर्सिटी ऑफ टेक्नॉलॉजी (BPUT) च्या कॅम्पसमध्ये हे स्टेडियम 15 एकर जागेवर पसरले आहे. हे स्टेडियम ओडिशा इंडस्ट्रियल इन्फ्रास्ट्रक्चर डेव्हलपमेंट कॉर्पोरेशन (IDCO) ने बांधले होते. स्टेडियमची पायाभरणी फेब्रुवारी 2021 मध्ये ओडिशाच्या मुख्यमंत्र्यांनी केली होती. राज्यात सलग दुसऱ्यांदा पुरुष हॉकी विश्वचषक स्पर्धा होणार आहे. अशा प्रकारचा पहिला कार्यक्रम 2018 मध्ये आयोजित करण्यात आला होता. भारत चौथ्यांदा या प्रतिष्ठेच्या स्पर्धेचे यजमानपद भूषवणार आहे.
हे स्टेडियम जगातील सर्वात मोठे मानले जाते. FIH प्रमुख मोहम्मद तय्यब इकराम यांनीही त्यांच्या भेटीदरम्यान 'हे जगातील सर्वात मोठे स्टेडियम आहे' असा उल्लेख केला होता. मुख्य मैदानाव्यतिरिक्त, त्यात मुख्य स्टेडियम, फिटनेस सेंटर, हायड्रोथेरपी पूल, ड्रेसिंग आणि चेंजिंग रूम, कनेक्टिंग बोगदे आणि पंचतारांकित निवास, 250 खोल्या आहेत ज्यात 400 खेळाडू राहू शकतात. स्टेडियममध्ये येण्यासाठी आणि बाहेर पडण्यासाठी सहा दरवाजे आहेत. याशिवाय दुचाकी आणि चारचाकी वाहनांसाठी पार्किंग आहे.
मुख्यमंत्री नवीन पटनायक यांनी 'ओडिशा रे हॉकी' (ओडिशामधील हॉकी) नावाच्या पुस्तकाचे अनावरणही केले जे शालेय आणि जनशिक्षण विभागाने प्रकाशित केले आहे. हे पुस्तक सुंदरगडमधील हॉकीचा इतिहास आणि भारताच्या राष्ट्रीय खेळाला चालना देण्यासाठी ओडिशाच्या भूमिकेशी संबंधित आहे. पटनायक यांनी राउरकेला येथे 30 वाहनांसह 'मो बस' (माय बस) सेवेचे उद्घाटन केले आहे.
