नवी दिल्ली: भारतीय फुटबॉल संघाचे मुख्य प्रशिक्षक इगोर स्टिमॅक ( Head coach Igor Stemack ) यांनी मंगळवारी जूनमध्ये होणाऱ्या एएफसी आशियाई चषक अंतिम फेरीच्या पात्रता फेरीपूर्वी, तयारी शिबिरासाठी 41 संभाव्य खेळाडूंची घोषणा केली. खेळाडू आणि सहाय्यक कर्मचारी 23 एप्रिल रोजी बेल्लारी येथे जमतील आणि दुसऱ्या दिवशी (24 एप्रिल) ते 8 मे पर्यंत प्रशिक्षण सुरू करतील.
पात्रता फेरीपर्यंत शिबिरात राहण्यासाठी संघ कोलकाता येथे जाईल. मुंबई सिटी एफसी ( Mumbai City FC ) आणि एटीके मोहन बागानचे खेळाडू ( Players of ATK Mohan Bagan ) त्यांच्या संबंधित क्लब वचनबद्धतेनंतर शिबिरात सामील होतील.
एएफसी आशियाई चषक चीन 2023 ( AFC Asian Cup China 2023 ) अंतिम फेरीच्या पात्रता फेरीतील ग्रुप डी मध्ये भारताला हाँगकाँग, अफगाणिस्तान आणि कंबोडिया सोबत सामील करण्यात आले आहे. 8 जूनपासून सुरू होणारी लीग जूनमध्ये विवेकानंद युवा भारती क्रीडांगण ( Vivekananda Yuva Bharati Kridangan ) येथे खेळवली जाईल. भारताला 8 जून रोजी कंबोडियाविरुद्ध पहिला सामना खेळायचा आहे. यापूर्वी भारतीय संघ मार्चमध्ये बहरीन आणि बेलारूसविरुद्ध आंतरराष्ट्रीय मैत्रीपूर्ण सामने खेळला होता.
41 संभाव्यांची यादी खालीलप्रमाणे आहे -