Andy Murray ruled out : आजारपणामुळे अँडी मरे माद्रिद ओपनमधून बाहेर

अँडी मरेने आजारपणामुळे गुरुवारी माद्रिद ओपनमध्ये अव्वल मानांकित नोव्हाक जोकोविचविरुद्धच्या सामन्यातून माघार ( Andy Murray ruled out ) घेतली. दोन्ही खेळाडूंमधील तिसऱ्या फेरीचा सामना सुरू होण्याच्या काही वेळापूर्वी ही घोषणा करण्यात आली.

माद्रिद : ब्रिटनच्या अँडी मरेने ( Andy Murray ) जागतिक क्रमवारीत अव्वल स्थानी असलेल्या नोव्हाक जोकोविचविरुद्धच्या सामन्यापूर्वी माद्रिद ओपनमधून माघार घेतली. स्पर्धेच्या आयोजकांनी गुरुवारी एका निवेदनाद्वारे याबाबत माहिती दिली आहे. मरेने कॅनडाच्या डेनिस शापोवालोव्हचा 6-1, 3-6, 6-2 असा पराभव करत एटीपी 1000 माद्रिद ओपन स्पर्धेची तिसरी फेरी गाठली. तीन ग्रँडस्लॅम विजेत्या 34 वर्षीय खेळाडूने जानेवारीपासून सिडनीमध्ये सलग सामने जिंकण्याची ही पहिलीच वेळ आहे.

दोन माजी टॉप 10 खेळाडू, ऑस्ट्रियाच्या डॉमिनिक थिएम आणि शापोवालोव्हवर दुसऱ्या फेरीतील विजयानंतर मरेचा सामना सर्बियाच्या जागतिक क्रमवारीत नंबर 1 असलेल्या जोकोविचशी होणार होता, परंतु आयोजकांनी त्याच्या खेळण्यास असमर्थता नोंदवली आहे.

स्पर्धेच्या आयोजकांनी सोशल मीडियावर दिलेल्या निवेदनात म्हटले आहे की, "दुर्दैवाने, अँडी मरे आजारपणामुळे मॅनोलो सांताना स्टेडियमवर खेळू शकत नाही." त्याऐवजी, आंद्रे रुबलेव्ह आणि डॅनियल इव्हान्स सेंटर कोर्टवर दिवसाच्या सामन्याची सुरुवात करतील. जोकोविच वॉकओव्हर जिंकून उपांत्यपूर्व फेरीत पोहोचेल, जिथे त्याचा सामना पोलंडच्या हुबर्ट हेरकाझ आणि दुसान लाजोविच यांच्यातील विजेत्यांशी होईल.

हेही वाचा -Uefa Champions League : रिअल माद्रिदने मँचेस्टर सिटीला मात देत गाठली अंतिम फेरी