दिग्गज स्नूकरपटू पंकज अडवाणीला मात देत आदित्य मेहताने जिंकले विजेतेपद

या स्पर्धेत आदित्यने पेट्रोलियम स्पोटर्स प्रोमोशन बोर्डचे प्रतिनिधित्व केले होते. महिला गटात कर्नाटकच्या विद्या पिल्लईने जेतेपद जिंकले आहे.

पुणे - भारताचा दिग्गज स्नूकरपटू आणि विश्वविजेता पंकज अडवाणीला राष्ट्रीय स्नूकर चॅम्पियनशिपच्या विजेतेपदापासून वंचित राहावे लागले. सोमवारी रंगलेल्या अंतिम सामन्यात आदित्य मेहताने पंकज अडवाणीचा ६-२ असा पराभव केला.

हेही वाचा -धोनी, विराट नव्हे तर.... इयान मॉर्गन ठरला सर्वोत्कृष्ट कर्णधार!

'चार वर्षानंतर जेतेपद मिळाल्यामुळे हा किताब माझ्यासाठी खास आहे. मी माझ्या दुखापतीमुळे थोडा त्रस्त होतो. पण, मी आत्मविश्वासाने खेळ केला', असे आदित्यने विजय मिळाल्यावर म्हटले आहे.

या स्पर्धेत आदित्यने पेट्रोलियम स्पोटर्स प्रोमोशन बोर्डचे प्रतिनिधित्व केले होते. महिला गटात कर्नाटकच्या विद्या पिल्लईने मध्यप्रदेशच्या अमी कामानीचा३-२ असा पराभव करून जेतेपद जिंकले आहे.