एंटवर्प ( बेल्जिअम ) - मनदीप सिंग आणि आकाशदीप सिंग यांनी केलेल्या दमदार कामगिरीमुळे भारतीय हॉकी संघाने विश्वविजेता आणि जागतिक क्रमवारीत अव्वलस्थानी असलेल्या बेल्जियमचा पराभव केला. भारतीय संघाने बेल्जियमचा २-० ने धुव्वा उडवत पाच सामन्याच्या मालिकेत १-० अशी आघाडी घेतली आहे. दरम्यान, या सामन्यात मनदीप आणि आकाशदीप यांनी प्रत्येकी एक गोल केला.
भारतीय संघाने पहिल्या हाफमध्ये यजमान संघावर दडपण निर्माण करत पहिली पेनाल्टी मिळवली. मात्र, बेल्जियमचा गोलरक्षक लोईक वॉन डोरेन याने चांगला बचाव केला. यानंतर यजमान संघाने आक्रमण करत पेनाल्टी मिळवली. तेव्हा कृष्ण पाठक याने बचाव करत आघाडी मिळू दिली नाही. नंतर भारतीय संघाने विरोधी संघाच्या गोलपोस्टवर जोरदार आक्रमण करत सलग दोन पेनाल्टी मिळवले. मात्र, या दोनही पेनाल्टीवर भारतीय संघाने गोल करता आला नाही. पहिला हाफ ०-० ने बरोबरीत राहिला.