नवी दिल्ली - हॉकी इंडियाने कोरोना व्हायसविरूद्धच्या लढ्यात ओडिशाच्या मुख्यमंत्री मदत निधीला २१ लाख रुपयांची देणगी दिली आहे. हॉकी इंडियाने यापूर्वी पंतप्रधान मदत निधीमध्ये एकूण एक कोटी रुपयांचे योगदान दिले होते आणि आता त्यांनी ओडिशा सरकारलाही मदत करण्याचा निर्णय घेतला आहे.
ओडिशामध्ये कोरोनाची प्रकरणे सातत्याने वाढत आहेत आणि हॉकी इंडिया कार्यकारी मंडळाने राज्य सरकारला मदत करण्यासाठी हे योगदान देण्याचा एकमताने निर्णय घेतला आहे.