माद्रिद- ला लीगामध्ये रिअल माद्रिद आणि गिरोना यांच्यातील सामन्यात धक्कादायक निकालाची नोंद झाली. क्रमवारीत १६ व्या क्रमांकावरील संघ गिरोनाने तिसऱ्या क्रमांकावरील रिअल माद्रिदला २-१ असा पराभवाचा धक्का दिला.
कॅसिमिरोन पहिल्या सत्रात २४ व्या मिनिटाला गोल करत रिअलला १-० अशी आघाडी मिळवून दिली होती. दुसऱ्या सत्रात गिरोनाने आक्रमक खेळ केला. ६५ व्या मिनिटाला ख्रिस्टियन स्टुआनीने गोल करत गिरोनाला १-१ अशी बरोबरी मिळवून दिली. रिअलचा कर्णधार सर्गियो रॅमोसच्या हॅन्डबॉलनंतर गिरोनाला पेनल्टी मिळाली. याचा, फायदा घेताना गिरोनाने बरोबरी साधली. सामन्याच्या ७५ व्या मिनिटाला पोर्टूने गोल करत गिरोनाला २-१ अशी आघाडी मिळवून दिली.