बर्लिन - स्टार फुटबॉलपटू नेमार पॅरिस सेंट जर्मेन क्लबसोबत (पीएसजी) कायम राहणार आहे. त्याने या संदर्भात सांगितलं की, त्याचा पॅरिस सेंट जर्मेन क्लबशी नवा करार जवळपास निश्चित आहे.
डीपीएच्या रिपोर्टनुसार, ब्राझीलचा स्टार खेळाडू नेमार २०१७ मध्ये बर्सिलोना क्लब सोडून पीएसजीसोबत जोडला गेला होता. परंतु काही दिवसांपासून नेमार पीएसजी क्लब सोडून रियल माद्रिदशी करार करण्याची शक्यता असल्याच्या बातम्या येत होत्या. पण नेमारच्या स्पष्टीकरणानंतर या बातम्यात तथ्य नसल्याचे समोर येत आहे.
नेमार म्हणाला की, 'पीएसजीसोबत आमचे बोलणे सुरू आहे. यात कोणतीही घाई करण्याची आवश्यकता नाही. सर्व काही ठरलेलं आहे. पीएसजी मलाघरासारख वाटतं. मी पीएसजीसोबत खुश आहे.'