मोहन बागानने जिंकले आय-लीगचे जेतेपद

मोहन बागान आता दुसर्‍या क्रमांकावर असलेल्या पूर्व बंगालपेक्षा १६ गुणांनी पुढे आहे. अंतिम सामन्याच्या ८० व्या मिनिटाला बाबा दियावाराने विजयी गोल नोंदवला.

नवी दिल्ली -भारताचा दिग्गज फुटबॉल क्लब मोहन बागानने आयझल एफसीचा १-० ने पराभव करून आय लीगमधील दुसरे विजेतेपद पटकावले. अंतिम सामन्याच्या ८० व्या मिनिटाला सेनेगलचा स्ट्रायकर बाबा दियावाराने विजयी गोल नोंदवला. आता मोहन बागानचे १६ सामन्यांत ३९ गुण झाले आहेत.

हेही वाचा -विल्यम्सनला हटवून सनरायझर्स हैदराबादने नेमला नवा कर्णधार!

मोहन बागान आता दुसर्‍या क्रमांकावर असलेल्या पूर्व बंगालपेक्षा १६ गुणांनी पुढे आहे. जर पूर्व बंगालने सर्व सामने जिंकले तर ते मोहन बागानच्या पुढे जाऊ शकणार नाहीत. २०१४-१५ मध्ये मोहन बागानने अखेरचे आय लीगचे जेतेपद जिंकले होते.