नवी दिल्ली -ला-लिगा फुटबॉल स्पर्धेत बार्सिलोनाने अॅथलेटिक बिलबाओ क्लबवर २-१ असा विजय मिळवला. या सामन्यात बार्सिलोनाचा दिग्गज फुटबॉलपटू मेस्सीने बार्सिलोनासाठी विक्रमी ६५०वा गोल नोंदवला. काही दिवसांपूर्वी, याच संघाविरुद्ध खेळताना मेस्सीला कारकीर्दीत प्रथमच लाल कार्ड दाखवण्यात आले होते.
स्पॅनिश सुपर चषक फुटबॉल स्पर्धेच्या अंतिम सामन्यात अॅथलेटिक क्लबने बार्सिलोनावर ३-२ अशी मात केली होती. याच पराभवाचा वचपा बार्सिलोनाने रविवारी मध्यरात्री काढला. या विजयासह बार्सिलोनाने गुणतालिकेत दुसऱ्या स्थानी झेप घेतली.