बार्सिलोना - दिग्गज फुटबॉलपटू लिओनेल मेस्सीने स्पॅनिश फुटबॉल क्लब बार्सिलोनासोबत प्रशिक्षणाला सुरूवात केली आहे. यापूर्वी, मेस्सीने बार्सिलोनाला अलविदा करण्याची इच्छा व्यक्त केली होती. त्यामुळे तो संघाच्या प्रशिक्षण सत्रात सामील झाला नव्हता.
एका वृत्तानुसार, २० ऑगस्ट रोजी क्लबच्या प्रशिक्षणापूर्वी मेस्सीची पीसीआर चाचणीदेखील झाली नव्हती. शिवाय, त्याने क्लबचे नवीन प्रशिक्षक रोनाल्ड कोमन यांच्याबरोबर प्रशिक्षणही घेतले नव्हते. संघाच्या कामगिरीमुळे मेस्सीला संघाला रामराम ठोकण्याची इच्छा होती.