चार महिने स्थगित असलेली जे-लीग सुरू

या लीगच्या सुरुवातीनंतर 18 संघ मैदानात दाखल झाले. या संघात 9 सामने खेळवण्यात आले. गतविजेत्या योकोहामाचा सामना उरवा रेड्सशी झाला. जे-लीगचा अव्वल विभाग फेब्रुवारीमध्ये केवळ एका फेरीच्या सामन्यानंतर तहकूब करण्यात आला होता. जपानची लोकप्रिय प्रो-बेसबॉल लीगही गेल्या महिन्यात स्टेडियममध्ये प्रेक्षकांशिवाय पुन्हा सुरू करण्यात आली आहे.

टोकियो - कोरोना व्हायरसमुळे तब्बल चार महिने स्थगित असलेल्या जपानच्या प्रोफेशनल फुटबॉल लीगने (जे-लीग) पुनरागमन केले आहे. जे-लीग शनिवारपासून सुरू करण्यात आली.

या लीगच्या सुरुवातीनंतर 18 संघ मैदानात दाखल झाले. या संघात 9 सामने खेळवण्यात आले. गतविजेत्या योकोहामाचा सामना उरवा रेड्सशी झाला. जे-लीगचा अव्वल विभाग फेब्रुवारीमध्ये केवळ एका फेरीच्या सामन्यानंतर तहकूब करण्यात आला होता. जपानची लोकप्रिय प्रो-बेसबॉल लीगही गेल्या महिन्यात स्टेडियममध्ये प्रेक्षकांशिवाय पुन्हा सुरू करण्यात आली आहे.

10 जुलैपासून चाहत्यांना स्टेडियमवर जाण्याची परवानगी मिळण्याची अपेक्षा आहे. मात्र याबाबतचा निर्णय अलिकडच्या काळात टोकियोमध्ये वाढलेल्या कोरोना प्रकरणांवर अवलंबून असेल. जपानमध्ये कोरोना विषाणूमुळे मृतांचा आकडा हजारांपेक्षा कमी आहे.

लीगचा हंगाम 19 डिसेंबरला संपणाप असून, एम्पायर कपचा अंतिम सामना 1 जानेवारीला होणार आहे. 5 ऑगस्टपासून लेव्हन चषक स्पर्धेला सुधारीत स्वरुपाने प्रारंभ होणार आहे.