मुंबई -इंडियन सुपर लीगमध्ये (आयएसएल) एफसी गोवाने बंगळुरू एफसीविरुद्ध २-२ अशी बरोबरी साधली. स्पेनचा फुटबॉलपटू इगोर अंगुलोने केवळ तीन मिनिटांच्या अंतराने दोन गोल करत गोवा संघाला पराभवापासून वाचवले.
स्ट्रायकर फेरान कोरोमिनासची जागा भरून काढत इगोर स्पर्धेत मोठी कामगिरी करण्यासाठी सज्ज झाला आहे. ईटीव्ही भारतशी बातचीत करताना इगोरने बंगळुरू एफसीविरुद्धच्या त्याच्या गोलविषयी, स्ट्रायकर म्हणून त्याच्या जबाबदारी आणि मुंबई एफसीविरूद्धच्या आगामी सामन्याबद्दल भाष्य केले.
- प्रश्न - तू दोन गोल नोंदवून गोव्याला पराभवापासून वाचवलेस. तू तुझ्या छातीचा उपयोग करून बंगळुरूविरुद्ध गोल केलास. तो योगायोगाने घडला की तशी रणनिती होती?
उत्तर -बॉल ज्या उंचीवर माझ्यापर्यंत पोहोचला, त्या उंचीमुळे माझी छाती वापरणे सर्वात सुरक्षित होते. सर्वात महत्त्वाचे म्हणजे दोन गोलमुळे संघाला महत्त्वपूर्ण गुण मिळवण्यात मदत झाली.
- प्रश्न - इंझागीप्रमाणे बचावात्मक खेळण्याच्या तुझ्या सवयीबद्दल सांग?
उत्तर -मला वाटते की हा बचावात्मक खेळ संभ्रम निर्माण करतो आणि आपण त्याचा फायदा घेऊ शकतो.
- प्रश्न - स्ट्रायकर म्हणून संघातील जबाबदारी कोणती आणि तू संघाला पुढे कसे घेऊन जाऊ शकतोस?