पंजाबला नमवत सर्व्हिसेस फुटबॉल संघाने सहाव्यांदा पटकावली संतोष ट्रॉफी

संतोष ट्राफी २०१९ मध्ये सर्व्हिसेसचा संघ अपराजीत

लुधियाना -सर्व्हिसेस(सेनादल) फुटबॉल संघाने संतोष ट्रॉफीच्या अंतिम सामन्यात पंजाबला 1-0 ने मात देत विजेतेपद आपल्या नावावर केले आहे. या स्पर्धेतील सर्व्हिसेस संघाचे हे सातवे जेतेपद ठरले आहे. उपांत्य फेरीत पंजाबने गोव्याला तर सर्व्हिसेसने कर्नाटकला पराभुत करत अंतिम फेरीत धडक मारली होती .

अंतिम सामन्यात सर्व्हिसेस संघासाठी बिकास थापाने ६१ व्या मिनीटाला एकमेव गोल केला. सर्व्हिसेसचे जोरदार आक्रमण आणि भक्कम बचावासमोर पंजाबच्या संघाला एकही गोल करता आला नाही.

२०१५ मध्ये संतोष ट्रॉफीच्या अंतिम सामन्यातही सर्व्हिसेस आणि यजमान पंजाब संघ जेतेपदासाठी भिडले होते. त्या सामन्यातही पेनाल्टी शूटआऊटमध्ये पंजाबला 5-4 ने पराभवाल सामोरे जावे लागले होते.

संतोष ट्राफी २०१९ मध्ये सर्व्हिसेसचा संघ अपराजीत राहिला आहे. या मोसमात कोणत्याही संघाला सर्व्हिसेसच्या संघाचा पराभव करता आला नाही.