नवी दिल्ली -माजी भारतीय अष्टपैलू आणि 'सिक्सर किंग' म्हणून ओळखल्या जाणारा युवराज सिंग बाबा ( Yuvraj Singh Become Father ) झाला आहे. युवराजची पत्नी हेजल कीचने एका गोड मुलाला जन्म दिला. ही गोड बातमी युवराज सिंगने सोशल मीडियावरून सर्वांना दिली. त्यानंतर त्याच्या चाहत्यांसह सर्वांनी शुभेच्छांचा वर्षाव सुरू केला. हरभजन सिंग, इरफान पठाण, अनिल कुंबळे, टेनिस स्टार सानिया मिर्झा आदा खेळाडूंसह सिने स्टारनी युवराज आणि त्याच्या पत्नीला शुभेच्छा दिल्या आहेत.
युवराजची हेजलसोबतची लव्हस्टोरी -
युवराजची हेजलसोबतची लव्हस्टोरी खूप स्पेशल आहे. युवी आणि हेजल 2011 मध्ये एका पार्टीत भेटले होते. हेजलला पाहताक्षणी युवी तिच्या प्रेमात पडला होता. हेजलजवळ जाऊन त्याने तिच्या अभिनयाची प्रशंसा केली. त्यानंतर एका 'कॉमन फ्रेंड्च्या' मदतीने युवराजने हेजलची माहिती मिळवली. इतकेच नव्हे तर त्या मित्रालाही हेजलपासून दूर राहायला सांगितले होते आणि तेव्हापासून युवराजची हेजलसोबतची लव्हस्टोरी सुरु झाली. सुरुवातीला हेजलने युवराजला अनेक वेळा नकार दिला होता. परंतु, युवराजने शेवटपर्यंत हार मानली नाही. सलग तीन वर्षे-तीन महिने एकमेकांना जाणून घेतल्यानंतर युवी आणि हेजल मित्र झाले. त्या मैत्रीचे रूपांतर प्रेमात झाले आणि त्यानंतर २०१५ मध्ये दोघांनी लग्नाची घोषणा केली.
लग्नबंधनात अडकले -