लंडन:विराट कोहली सध्या त्याच्या करिअरच्या वाईट टप्प्यातून जात आहे. त्याच्या बॅटमधून धावा निघत नाहीत. जगातील सर्वोत्तम फलंदाजांमध्ये गणला जाणारा किंग कोहलीला यावेळी टीकेला सामोरे जावे लागत आहे. अनेक दिग्गज खेळाडूंनी कोहलीला संघाबाहेर ठेवण्याबाबतही बोलले आहे. यावर आता स्वत: विराट कोहलीने ट्विट करत सर्वांना उत्तर दिले ( Virat Kohli reply to critics ) आहे.
2019 सालापासून कोहलीला आंतरराष्ट्रीय स्तरावर एकही शतक झळकावता आलेले ( Virat Kohli not century since 2019 ) नाही. तो सध्या इंग्लंड दौऱ्यावर असून एकदिवसीय मालिकेत सहभागी आहे. या मालिकेतील तिसरा सामना रविवारी होणार आहे. या सामन्यात कोहली फॉर्ममध्ये परतेल अशी आशा कोहलीसोबतच त्याच्या सर्व चाहत्यांना असेल. या सामन्यापूर्वी कोहलीने एक प्रेरणादायी पोस्ट शेअर केली आहे.
शेवटच्या वनडेच्या एक दिवस आधी शनिवारी कोहलीने ट्विटरवर ( Virat Kohli tweet ) टीकाकारांना आपल्या पद्धतीने उत्तर दिले. त्याने एक फोटो शेअर केला आहे, ज्यामध्ये तो पंख असलेल्या फोटोसमोर बसला आहे. या चित्रासोबतच्या कॅप्शनमध्ये त्यांनी 'परस्पेक्टिव' लिहिले आहे, ज्याचा अर्थ ' दृष्टीकोन' म्हणजे एखाद्या गोष्टीकडे पाहण्याचा दृष्टिकोन. या फोटोमध्ये कोहली निळी जीन्स आणि टी-शर्टमध्ये बोर्डसमोर बसला आहे, ज्यावर दोन पंख आहेत आणि त्यावर लिहिले आहे, ''मी पडलो तर काय, पण माझ्या मित्रा, तू उडायला लागलास तर काय.''