मुंबई - भारतीय संघाचा कर्णधार विराट कोहलीने, भारतात कोरोनाची दुसरी लाट आली असून सर्वांनी कोरोना प्रोटोकॉलचे काटेकोर पालन करावं, असे आवाहन केलं आहे. देशात दिवसेंदिवस कोरोना रुग्णांची संख्या झपाट्याने वाढत आहे. या पार्श्वभूमीवर विराटने हे आवाहन केलं आहे.
दिल्ली पोलिसांच्या अधिकृत ट्विटर अकाऊटवर विराटचा एक व्हिडिओ शेअर करण्यात आला आहे. देशात कोरोनाची दुसरी लाट आली आहे. सर्वांनी कोरोना प्रोटोकॉलचे पालन करावं. यात सर्वांनी मास्क वापरावा. तसेच सोशल डिस्टन्सिंगचं नित्यनियमान पालन करावं. कोरोनाला हरवण्यासाठी या गोष्टी आपल्याला कराव्या लागतील, असे विराट सांगताना पाहावयास मिळत आहे.